សារស្វាគមន៍ពីស្ថាបនិកសូមគោរពស្វាគមន៏វត្តមាន សម្តេច ឯកឧត្តម លោកជំទាវ លោកឧកញ៉ា លោក លោកស្រី មាតាបិតា អាណាព្យាបាល និងសិស្សានុសិស្សទាំងអស់ជាទីគោរព ដែលជឿទុកចិត្ត ហើយបានសម្រេចចិត្តជ្រើសរើសសាលា Woo Jeong Cambodia (WJCS) ដែលជាសាលាចំណេះទូទៅគុណភាពខ្ពស់ ទំនើប ទាន់សម័យ ឆ្ពោះទៅកាន់យុគសម័យឌីជីថល ដើម្បីសម្រេចបាននូវគោលដៅនាពេលអនាគតរបស់កូនៗលោកអ្នក។
ឆ្លើយតបចំពោះការប្តេជ្ញាចិត្តរបស់ខ្លួន សាលាបានដាក់ចេញនូវបាវចនាចម្បងរបស់ខ្លួនយ៉ាងច្បាស់លាស់និងអាទិភាពចំនួន៣គឺ “រៀន ឧស្សាហ៍ព្យាយាម និងប្រព្រឹត្តត្រឹមត្រូវ” ។ មនសិការរបស់យើងខ្ញុំ គឺចូលរួមជាមួយរាជរដ្ឋាភិបាលពិសេសជាមួយក្រសួងអប់រំយុវជននិងកីឡា ដើម្បីអភិវឌ្ឍធនធានមនុស្ស និងអភិវឌ្ឍន៍ប្រទេសជាតិឲ្យកាន់តែរីកចម្រើន និងស្របតាមយុទ្ធសាស្ត្រចតុកោណ “ដើម្បីភាពរីកចម្រើន ការងារ សមធម៌ និងប្រសិទ្ធភាពនៅកម្ពុជា” របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាវីរៈបុរស និងជាមេដឹកនាំដ៏ឆ្លាតវៃនិងឆ្នើមបំផុតរបស់រាជរដ្ឋាភិបាលកម្ពុជា។
សាលាចំណេះទូទៅវ៉ូជុង កម្ពុជា មានកម្មវិធីអប់រំសំខាន់ៗចំនួន 3 ដូចខាងក្រោម៖
1. ការអប់រំទូទៅ (មត្តេយ្យ បឋមសិក្សា មធ្យម និងវិទ្យាល័យ)
2. កម្មវិធីពីរភាសា ខ្មែរ-ភាសាអង់គ្លេស ឬ ខ្មែរ- ភាសាកូរ៉េ
3. កម្មវិធីបណ្តុះបណ្តាលជំនាញ (កុំព្យូទ័រ ជំនាញទន់ និងតន្ត្រី)
កម្មវិធីសិក្សាបន្ថែម៖
1. កម្មវិធីកែលម្អផ្លូវចិត្ត
2. កម្មវិធីតម្រង់ទិសអាជីពនាពេលអនាគត
3. កម្មវិធីដំណើរកំសាន្ត
4. កម្មវិធីព្រឹត្តិការណ៍គរុកោសល្យ (អក្ខរាវិរុទ្ធខ្មែរ គណិតវិទ្យា ការគណនា, វេទិកាភាសាអង់គ្លេស, វេទិកាភាសាកូរ៉េ)
5. កម្មវិធីជជែកពិភាក្សា
6. កីឡា
ដើម្បីពង្រឹងគុណភាព សាលាក៏បានបន្ថែម
1. WJCS Mobile App សម្រាប់សិស្សានុសិស្សអាចសិក្សាដោយខ្លួនឯងបានគ្រប់ពេល និងគ្រប់ទីកន្លែង។
2. បណ្ណាល័យធំសម្រាប់សិស្សានុសិស្សស្រាវជ្រាវ និងសៀវភៅជាច្រើន។
3. បន្ទប់ពិសោធន៍សម្រាប់និស្សិតស្រាវជ្រាវ និងពិសោធន៍សម្ភារៈ និងឧបករណ៍ទំនើប។
ក្នុងនាមគណៈគ្រប់គ្រង បុគ្គលិក និងគ្រូបង្រៀននៃសាលា WooJeong Cambodia យើងប្តេជ្ញាអភិវឌ្ឍកម្មវិធីសិក្សាឱ្យកាន់តែទំនើបស្របតាមស្តង់ដារជាតិ និងអន្តរជាតិ ដើម្បីលើកកម្ពស់គុណភាពនៃការអប់រំផ្នែកបញ្ញា ចំណេះដឹងទូទៅ ភាសាអង់គ្លេស កូរ៉េ កុំព្យូទ័រ និងជំនាញឆ្លើយតបទៅនឹងភាពជឿនលឿននៃបច្ចេកវិទ្យានៃ "បដិវត្តន៍ឧស្សាហកម្មជំនាន់ទីបួន" និងបណ្តុះបណ្តាលសិស្សានុសិស្សឱ្យស្គាល់ពីអត្តសញ្ញាណជាតិ វប្បធម៌ អរិយធម៌ សង្គមជាតិ។ គោរពច្បាប់រដ្ឋ គោរពបទបញ្ជាផ្ទៃក្នុងរបស់សាលា រួបរួម-សាមគ្គីគ្នា ដោយមិនប្រកាន់ពូជសាសន៍ ឋានៈ តួនាទី ជាពិសេសទំនាក់ទំនងល្អរវាងសាលា គ្រួសារ និងសង្គម។
យើងទន្ទឹងរង់ចាំស្វាគមន៍សម្តេច ឯកឧត្តម លោកជំទាវ លោកឧកញ៉ា លោក លោកស្រី មាតាបិតា អាណាព្យាបាល និងសិស្សានុសិស្សទាំងអស់មកកាន់សាលា WooJeong Cambodia របស់យើង។
សូមជូនពរអោយមានសុខភាពល្អ និងជោគជ័យគ្រប់ការងារ។
សាលា WooJeong Cambodia គឺជាជម្រើសដ៏ល្អបំផុតសម្រាប់អ្នក និងកូនៗរបស់អ្នក!
កម្មវិធីសិក្សារបស់សាលាត្រូវបានអនុវត្តយ៉ាងពេញលេញស្របតាមកម្មវិធីសិក្សារបស់ក្រសួងអប់រំ យុវជន និងកីឡា ដោយរួមបញ្ចូលនូវបំណិនជីវិតបន្ថែម ដើម្បីកសាងសិស្សទាំងផ្នែកកាយសម្បទា ជំនាញកាយសម្បទា និងជំនាញឥរិយាបថ។